Pedras duras, supelvas e costantes
chi po sempre a sa muda bos cagliades,
puite nessi a mie no lu nades
chie funi sos bostros abbitantes?
Fun omines comunes o zigantes,
eredes de antigas deidades?
Bois unu misteriu inserrades
po nois, curiosos ignorantes.
Chie est chi bos at postu subra-pare?
Cando, comente e puite bos ana
fatu? Po tumba, abbitu, o po altare?
De un'imperidura òbera umana
sezis testimonìa seculare
ma sa genesi ostra est cos'arcana.
